FAQ
Davam edən aksiyalardan birinə ianə edərək cəmiyyətimizə, ətraf-mühitə və heyvanlara ayırdığımız xüsusi diqqətin bir parçası ola bilərsiniz.
- Qırmızı Ürəklər komandasına könüllü olaraq necə qoşulmaq olar?
İnternet səhifəmizdəki bu formanı doldurmaqla bizə qoşula bilərsiniz.
- Fonda layihə təklifi edə bilərəmmi?
Bəli. Fondun fəaliyyət istiqamətinə uyğun layihəniz varsa, [email protected] email adresinə göndərə bilərsiniz.
- Fonda kimlər müraciət edə bilər?
Cəmiyyətimizin müxtəlif həssas qruplarına aid insanlar, hər hansı maarifləndirici aksiyalardan yararlanmaq istəyən şəxslər, həmçinin ekologiyaya dəyən ziyanın azaldılmasında dəstək olmaq, heyvan sığınacaqlarında heyvanların saxlanılma şəraitinin yaxşılaşdırılması üçün yardım etmək istəyən vətəndaşlar Fonda müraciət edə bilər.
- Hansı hallarda Fond dəstək aksiyasının keçirilməsindən etməkdən imtina edir?
Fonda daxil olan bütün müraciətlər yoxlanılır. Fondun fəaliyyət istiqamətlərinə aid olmayan və ya yoxlama zamanı hər hansı saxtakarlıq, uyğunsuzluq aşkar olunduğu hallarda yardım aksiyasının keçirilməsindən imtina edilə bilər.
- Fonda ianə necə edilə bilər?
İanə rəsmi səhifəmizin “İanə et” bölməsi, Kapital Bank terminalıları və ya BirBank tətbiqi vasitəsilə edilə bilər.
- İanəmin müəyyən aksiya, hadisə və ya dəstəyə ehtiyacı olan hər hansı bir şəxs üçün xərclənməsini istəyirəm. Fondun dəstəyi ilə bunu necə edə bilərəm?
İanə edərkən təqdim olunan siyahıda göstərilən yardım aksiyalardan birini seçmək mümkündür. Köçürülən ianə məhz seçdiyiniz yardım aksiyasının keçirilməsinə xərclənəcəkdir. Əgər ianə etmək istədiyiniz təşəbbüsləri internet səhifəmizdə görə bilməsəniz və ya yeni yardım kampaniyası təşəbbüsü ilə çıxış etmək istəsəniz, bu formanı doldurmaqla və ya [email protected] e-poçt ünvanı vasitəsilə bizimlə əlaqə saxlaya bilərsiniz.
- Geyim və ya digər əşyalar ianə kimi qəbul olunurmu?
Bəli. Bu barədə anonslar vaxtaşırı olaraq təşkilatın sosial şəbəkələrində yerləşdirilir (göndərilmiş məhsullar istifadəyə yararlı olmalıdır).
- Gördüyünüz işlərlə bağlı hər hansı bir statistika aparırsınızmı?
Bəli. Statistik məlumatlar “Haqqımızda” bölməsində əks olunub. Məlumatlar hər həftənin Bazar ertəsi yenilənir.