Gələcəyi quranlar üçün sən də "Onu Oxut" aksiyasına ianə et! Qırmızı Ürəklər Fondunun əsas istiqamətlərindən biri də sosial həssas qrupdan olan insanların təhsilinə dəstək verərək savadlı və xüsusi istedadlı gənclərin yetişdirilməsi, onların qayğı ilə əhatə olunması və inkişafını təmin etməkdir. Fond addım-addım maraqlı tərəflərlə təhsili dəstəkləyən əməkdaşlıqlar qururaraq, ianələrinizi ölkəmizin işıqlı və parlaq gələcəyinə yönləndirərək onlar üçün yeni bir yol açır. Bu istiqamətdə fond “Qırmızı Ürəklər Təhsil Tələbə Təqaüd Proqramını” həyata keçirir.

“Ramazan Payı” aksiyası çərçivəsində Ramazan bayramı ərəfəsində ölkəmizin müxtəlif şəhər və rayonlarında yaşayan aztəminatlı ailələrə bayram sovqatları çatdırılacaqdır. Məqsədimiz aztəminatlı ailələrin qida ehtiyaclarının qarşılanmasına dəstək göstərmək və yardımlaşmanın vətənimiz üçün faydalılığını cəmiyyətə çatdırmaqdır.

"Novruz Payı" aksiyası çərçivəsində xeyirxah insanların dəstəyi ilə toplanan vəsait sayəsində ölkəmizin müxtəlif bölgələrində yaşayan aztəminatlı ailələrə bayram sovqatları çatdırılacaq.

Bizim üçün tarix yazmış, torpaqlarımızı azad etmiş qəhrəmanlarımıza bitməz borcumuz var. Həcmi kiçik, mənası böyük olan bu aksiyanın əsas məqsədi qəhrəman şəhid və qazilərimizin ailələrinin rifahını yaxşılaşdırmaq və sosial təminatına dəstək verməkdir. Bu xeyirxah missiyanın təməlində illər boyunca həsrətini çəkdiyimiz torpaqları bizə bəxş olunmasında rolu olan "Tarix yazan qəhrəmanlarımız"-ın əziz xatirəsini daim yad etmək, onların bizlər üçün etdiklərini qiymətləndirməkdir. Aksiyaya ianə et, bu gözəl əməldə sənin də payın olsun!

Fondun 31 dekabr – Dünya Azərbaycanlılarının Həmrəylik günü və Yeni İl ərəfəsində şəhid övladları üçün həyata keçirtdiyi ənənəvi “Onlar bizə əmanətdir” layihəsinin əsas məqsədi 0-16 yaş aralığında olan bütün şəhid övladlarına ataları adından hədiyyələr göndərməkdir. Məqsəd onlara bu xüsusi gündə sevinc bəxş etməkdir. Çünki biz bunu gözəl anlayırıq ki, onlar bizə əmanətdir.

"Qurban Payı" aksiyası artıq ölkəmizdə ənənəyə çevrilən yardımlaşmanın daha da təşviqini hədəfləyir. Aksiya çərçivəsində xeyirxah donorların ianə etdiyi vəsaitdən toplanmış məbləğlə ölkəmizin müxtəlif şəhər və rayonlarında yaşayan aztəminatlı ailələrə ət yardımı çatdırılacaqdır. Məqsədimiz aztəminatlı ailələrin qida ehtiyaclarının qarşılanmasına dəstək göstərmək və yardımlaşmanın vətənimiz üçün faydalılığını cəmiyyətə çatdırmaqdır. Bu fəaliyyətin cəmiyyətimizdə fərdlər arasında paylaşma ruhunu daha da artıracağına və hər bir şəxsin bu cür aksiyalara qoşulmasına vəsilə olacağına inanırıq.