İşlənmiş batareyaların utilizasiyası

Əziz dost, istifadə edilmiş batareyaların nə dərəcədə təhlükəli olduğundan yəqin ki, xəbərdarsız. Müasir dünyanın ən aktual və mühüm məsələlərindən biri ekoloji problemlər və onların törətdiyi fəsadlardır. Bu səbəblərin ən önəmlilərindən biri və bəlkə də qarşısının alınması üçün ən az təbliğ olunanı elektrik batareyaları kimi təhlükəli məişət tullantılarının düzgün utilizasiya olunmamasıdır. Onların tərkibində olan civə kimyəvi turşular və ağır metallar torpağa və suya qarışdıqda çox ciddi çirklənmə təhlükəsi yaradır. "Batareyaları təhvil ver, təbiəti qoru” layihəsini Ekologiya və Təbii Sərvətlər Nazirliyinin dəstəyi ilə 50-dən çox tərəfdaş şirkət və qurumla birlikdə icra edirik. Layihənin tərəfdaşı olan şirkətlərdə batareyaları təhvil vermək üçün xüsusi qutular yerləşdirilmişdir. Vətəndaşlar tərəfindən məişətdə istifadə olunan batareyalar toplanaraq "Təhlükəli Tullantılar" MMC-yə təhvil veriləcək.

Qəbul məntəqələri

Oxşar aksiyalar
Ətraf mühit

Vətən Bağı

Qarabağımız uğrunda aparılan haqq savaşı, 44 gün davam edən Vətən Müharibəsi Azərbaycan xalqının yaddaşına əbədi olaraq həkk olundu. Torpaqlarımızın azadlığı yolunda canından keçən zabit, gizir və əsgərlərimizin xatirəsini əbədiləşdirmək üçün “Vətən Bağı” layihəsinə başladıq. Layihə çərçivəsində Azərbaycanın bölgələrində hər rayonun 1991-2021-ci illər ərzində şəhid olmuş qəhrəmanların sayına uyğun ağaclar əkilərək kiçik meşələr yaradılır. “Vətən Bağ”larının tezliklə bütün ölkəmizi əhatə etməsi planlaşdırılır. Bağların salınmasında əsas məqsəd ziyarət edən insanlara Qarabağımıza igid soydaşlarımızın qanı bahasına qovuşduğumuzu bir daha xatırlatmaqdır.

368 AZN / 6000 AZN

7 %

İanə et
Ətraf mühit

Ətraf mühit

  • Ətraf mühitin mühafizəsi sahəsində müxtəlif maarifləndirmə aksiyalarının təşkili;
  • Çay, meşə, dağ, dəniz, göl və şəhərətrafı ərazilərdə müxtəlif təmizlik aksiyalarının təşkili;
  • Ölkənin müxtəlif şəhər və rayonlarında kütləvi ağacəkmə aksiyalarının keçirilməsi;
  • Tullantıların effektiv idarə olunmasına dəstək məqsədilə, təkrar emal proseslərinin həyata keçirilməsi;
  • Əhali arasında ətraf mühitin mühafizəsi səriştəsini yaratmaq məqsədilə müxtəlif sosial çarxların hazırlanması;
  • Meşə ərazilərində quşlar üçün kiçik evciklərin yaradılması;
  • Polietilen paketlərin zərərinin qarşısını almaq üçün zərərsiz və təbii materiallardan əldə edilmiş qablaşdırma məhsullarının istehlakçılar arasında təbliğ edilməsi.