Daha bir neçə rayonda “Vətən Bağı” yaradıldı
Layihə çərçivəsində hər rayonda, həmin rayonun şəhidlik zirvəsinə ucalan igidlərin sayına uyğun ağac əkilib.
Daun sindromlu uşaqlar üçün atçılıq üzrə master klass keçirilib
Qırmızı Ürəklər Fondu Kapital Bank ilə əməkdaşlıq çərçivəsində daun sindromlu uşaqlar üçün ippoterapiya (müalicəvi atsürmə) təlimi təşkil edib.
Qırmızı Ürəklər Fondu Kapital Bank ilə əməkdaşlıq çərçivəsində "Günəş İnsanları" üçün silsilə master klasslara davam edir. Daun sindromlu şəxslərin cəmiyyətimizə inteqrasiyasını təmin etməyi hədəfləyən bu layihə çərçivəsində növbəti təlim ippoterapiya - müalicəvi atsürmə sənətinə həsr olunub. İppoterapiya at üstündə çeşidli hərəkətlər vasitəsiylə bədən əzələlərinin hərəkət etməsinə dəstək verən bir müalicə növüdür.
Bakı Qızılı At Terapiya və və Təhsil Mərkəzində (Golden Horse Therapeutic and Educational Center) baş tutmuş bu təlimin əsas məqsədi uşaqların sağlamlığına, bacarıqlarının inkişafına, sosial-mədəni, sosial-psixoloji reabilitasiyasına, eləcə də onların ailələrinə dəstək göstərməkdir.
Qeyd edək ki, silsilə master klasslar 1 İyun Beynəlxalq Uşaqların Müdafiəsi günündə daun sindromlu uşaqlar üçün keçirilmiş aksiyadan yığılan vəsait hesabına həyata keçirilir.