Daha bir neçə rayonda “Vətən Bağı” yaradıldı
Layihə çərçivəsində hər rayonda, həmin rayonun şəhidlik zirvəsinə ucalan igidlərin sayına uyğun ağac əkilib.
Görmə məhdudiyyətli uşaqlara audio kitablar təqdim edilib
Layihə çərçivəsində Ağcabədi rayonunda görmə məhdudiyyətli uşaqlara uşaq ədəbiyyatı kateqoriyasında audio kitablar hədiyyə edilib.
Qiraət etmək hər bir individualın şəxsi inkişafında mühüm rol oynayır. Məhz bu səbəbdən "Red Hearts" Fondunun könüllüləri Ağcabədi rayonunda Gənclər üçün Təhsil Mərkəzi Qarabağ Regional ofisi ilə əməkdaşlıq çərçivəsində onun nəzdində fəaliyyət göstərən İnklüziv Təhsil və Uşaq İnkişaf Mərkəzində uşaqları hədiyyə audio kitablarla sevindiriblər.
Belə ki, Mərkəzin benefesiarları olan görmə məhdudiyyətli uşaqların maariflənməsinə dəstək çərçivəsində, onlara Azeronline tərəfindən hazırlanmış uşaq ədəbiyyatına məxsus xüsusi audio kitablar və müxtəlif hədiyyələr təqdim edilib.
Təşəbbüsün həyata keçirilməsinin əsas məqsədi görmə məhdudiyyətli uşaqların ədəbiyyata marağının artmasına dəstək olmaq və kitabları onlar üçün əlçatan etməkdir. Bu tip layihələrin davamlı olaraq həyata keçirilməsi planlanılır.