"Pəncəli Ürəklər" sahibsiz heyvanlara dəstək aksiyası baş tutub

Qırmızı Ürəklər ("Red Hearts") Xeyriyyə Fondunun heyvanların qorunması və qayğısı istiqamətində keçirdiyi fəaliyyətlər çərçivəsində sahibsiz heyvanlar üçün aksiya təşkil olunub. 4 oktyabr - Heyvanların Beynəlxalq Müdafiəsi gününə həsr olunmuş "Pəncəli Ürəklər" aksiyasında veb saytdan toplanan ianələr sayəsində sahibsiz heyvanlar ziyarət olunub.

Qeyd edək ki, bu xeyriyyə təşəbbüsünə qatqısı olan heyvansevərlər sayəsində toplanan vəsait heyvanların müalicə və qida ehtiyacları üçün xərclənib. Layihəyə ianə edən şəxslər kimsəsiz heyvanlarımıza şəfqətli münasibətə bir ümid, onların da bu şəhərin bir sakininə çevrilməsinə bir dəstəkdir.

Qeyd edək ki, “Qırmızı Ürəklər” Xeyriyyə Fondunun yaradılmasında əsas məqsəd cəmiyyətimiz üçün faydalı işlər görməkdir. Üzvlərinin əksəriyyəti, Kapital Bank-ın könüllü əməkdaşlarından ibarət olan fondun əsas fəaliyyət istiqaməti uşaq evlərinə, sığınacaqlara və digər ehtiyacı olanlara yardım etməkdir.