Daha bir neçə rayonda “Vətən Bağı” yaradıldı
Layihə çərçivəsində hər rayonda, həmin rayonun şəhidlik zirvəsinə ucalan igidlərin sayına uyğun ağac əkilib.
"Pəncəli Ürəklər" layihəsi çərçivəsində paytaxtın müxtəlif nöqtələrinə yemlik qabları yerləşdirilib
Layihənin əsas məqsədi heyvanlara humanist və məsuliyyətli yanaşmanın təşviq edilməsidir.
4 oktyabr - Heyvanların Beynəlxalq Müdafiəsi Günü 100 ilə yaxındır bütün dünyada qeyd olunur.
Bununla belə heyvanları bir gün deyil, hər gün sevməli, qorumalı və yaşamaq hüquqlarına hörmətlə yanaşmalıyıq.
Qırmızı Ürəklər Fondu da bu amalı əsas tutaraq Heyvanların Beynəlxalq Müdafiəsi Günü münasibətilə aksiya həyata keçirib. Fond tərəfindən "Pəncəli Ürəklər" layihəsi çərçivəsində paytaxtın müxtəlif nöqtələrinə sahibsiz heyvanların vəziyyətinə biganə olmayan könüllülərin iştirakı ilə yemlik qabları yerləşdirilib. Həyata keçirilən aksiyanın əsas məqsədi heyvanlara humanist və məsuliyyətli yanaşmanın təşviq edilməsidir. Layihə qayğı göstərməklə yardım etmək istəyən heyvansevərlər tərəfindən maraqla qarşılanıb.
Heyvanların taleyinə laqeyd qalmayan hamı bir nəfər kimi onların rifahının yaxşılaşdırılması, əziyyətsiz yaşamaq hüquqlarının qorunması naminə bu ideyaya dəstək olmalıdır. Axı, bu günahsız canlıların da yaşamağa və qayğıya ehtiyacları var.