"Hər şey mümkündür" layihəsinin növbəti master-klası pizza hazırlanması ilə bağlı oldu

"Hər şey mümkündür" layihəsi çərçivəsində daun sindromlu uşaqlara Qırmızı Ürəklər Fondu və Vapianonun təşkilatçılığı ilə pizza hazırlanması ilə bağlı o master-klas təşkil edildi. Daun sindromlu uşaqlara Vapiano restoranında məxsusi pizzanın hazırlanması ilə bağlı əyləncəli master-klass keçirilib. Uşaqlar təcrübəli pizza mütəxəssislərinin rəhbərliyi altında əllə hazırlanmış hazır pizza xəmirlərini formaya salıblar və onları müxtəlif inqrediyentlərlə bəzəyiblər. 

Layihə çərçivəsində keçirilən master-klasların məqsədi bu uşaqlarda məşğələlərin köməyi ilə müxtəlif qabiliyyətləri inkişaf etdirməyə yardım göstərməkdir. Qırmızı Ürəklər Fondu həyata keçirtdiyi bu layihə ilə daun sindromu olan uşaqların sosial adaptasiyası prosesinə öz töhfəsini verməyə çalışır.