Daha bir neçə rayonda “Vətən Bağı” yaradıldı
Layihə çərçivəsində hər rayonda, həmin rayonun şəhidlik zirvəsinə ucalan igidlərin sayına uyğun ağac əkilib.
"Təmiz Mühit, Təmiz Gələcək" çimərlik təmizləmə aksiyası keçirilib
Aksiya çərçivəsində Novxanı ərazisində 1 ha sahə plastik qablardan və digər tullantılardan təmizlənib.
Qırmızı Ürəklər Fondu ətraf mühitin qorunması və bərpası istiqamətində atılan addımlar çərçivəsində Kontakt Home-la birgə çimərlik sezonunun bitməsi ilə əlaqədar təmizlik aksiyası keçirib. Layihə daxilində Novxanı ərazisində 1 ha çimərlik sahili ərazi plastik və məişət tullantılarından təmizlənib.
Aksiyanın əsas hədəfi insanlara təbiəti təmiz saxlamağa sövq etmək, həmçinin ictimai yerlərdə tullantıların azaldılmasını insanlara aşılamaqdır. Fondun fəal üzvləri və Kontakt Home təbiətsevərləri ümumilikdə 80 torba plastik qablardan və digər tullantılardan ibarət zibili çimərlik ərazisindən təmizləyib. Sağlam gələcək naminə atılan belə addımlar təbiətlə aramızdakı bağları möhkəmləndirmək məqsədi daşıyır.
Qeyd edək ki, Qırmızı Ürəklər Fondunun yaradılmasında əsas məqsəd cəmiyyətimiz üçün faydalı işlər görməkdir. Üzvlərinin əksəriyyəti, Kapital Bank-ın könüllü əməkdaşlarından ibarət olan fondun əsas fəaliyyət istiqaməti uşaq evlərinə, sığınacaqlara və digər ehtiyacı olanlara yardım etməkdir.