Çoxsaylı xeyirxah əməllər həyata keçirən, sosial əhəmiyyətli layihələr icra edən, indiyədək minlərlə insana maddi və mənəvi dəstək göstərən, ölkənin bütün regionlarını əhatə edən “Qırmızı Ürəklər” (“Red Hearts”) Fondunun rəsmi olaraq fəaliyyətə başlamasının 2 ili tamam oldu. Bununla bağlı 10 dekabr 2022-ci il tarixində “Atelier 61 Events Hall”da tədbir keçirildi.
2021-ci ildən etibarən “Qırmızı Ürəklər” (“Red Hearts”) Fondu birinci və ikinci Qarabağ müharibəsi zamanı şəhid olan qəhrəman oğullarımızın əziz xatirəsini əbədiləşdirmək məqsədilə ölkənin bir sıra rayonlarında “Vətən Bağı” layihəsini həyata keçirməyə başlayıb. Hər rayonda, həmin rayonun şəhidlik zirvəsinə ucalan igidlərin sayına uyğun ağac əkilir. Layihə həmçinin Azərbaycanın ekoloji mühitinə töhfə vermək məqsədini də daşıyır.
+1 fərqlə günəş uşaqları üçün “kətan üzərində akril boya ilə rəsm” üzrə interaktiv master klası təşkil olundu.
Layihənin əsas məqsədi heyvanlara humanist və məsuliyyətli yanaşmanın təşviq edilməsidir.
Yeni təqaüd proqramı çərçivəsində seçilən 15 tələbəyə hər ay 150 AZN məbləğində təqaüd, 11 tələbənin isə cari və əvvəlki dövrdən qalan təhsil haqları fond tərəfindən qarşılanacaq.
Qırmızı Ürəklər Fondu könüllülərin və məktəblilərin iştirakı ilə "Təmiz mühit, təmiz gələcək" sahilyanı təmizlik aksiyası keçirib.
+1 fərqlə günəş uşaqları üçün “Eko çantalar üzərində rəsm” üzrə interaktiv master klası təşkil olundu.
Könüllümüz Nihad Hüseynlinin təşəbbüsü ilə bir qrup könüllü “Pəncəli Ürəklər” aksiyası çərçivəsində Müşfiqabad qəsəbəsində yerləşən “BARS Sahibsiz Heyvanlar sığınacağına” qida yardımı ediblər.
Xəbər verdiyimiz kimi cari ilin may ayından başlayaraq Qırmızı Ürəklər Fondu (Red Hearts), Ekologiya və Təbii Sərvətlər Nazirliyi ilə birgə “Batareyaları təhvil ver, təbiəti qoru” adlı yeni layihəyə başlayıb. Layihə çərçivəsində istifadəyə yararsız elektrik batareyaları toplanıb, "Təhlükəli Tullantılar" MMC-yə təhvil verilir.
2019-cu ilin sonlarında “Kapital Bank”ın könüllü əməkdaşları tərəfindən təşəbbüs qrupu kimi yaradılan, daha sonra isə fəaliyyətini fond olaraq davam etdirən “Qırmızı Ürəklər” ehtiyacı olan insanların həyatına, həyatın müxtəlif sahələrinə dəyər qatmağa çalışır. “Qırmızı Ürəklər” Fondu “Tarix yazan qəhrəmanlar”, “Vətən Bağı”, “Hər şey mümkündür” və bir sıra digər sosial layihələri keçirməklə yanaşı, şəhid ailələrinə və qazilərə, uşaq evlərinə və sığınacaqlara, aztəminatlı ailələrə dəstək göstərir. “Qırmızı Ürəklər” və onun gördüyü işlər barədə məlumat almaq üçün Fondun prezidenti Sevda Haqverdiyevadan müsahibə aldıq.
Əvvəlki səhifə 